Нийслэл, нийслэлийн Багахангай,Багануур, Баянгол, Баянзүрх, Налайх, Хан-Уул, Сонгинохайрхан, Сүхбаатар дүүргүүд 2014 онд Орон нутгийн хөгжлийн сангийн хөрөнгө оруулалтаар хийгдэх арга хэмжээний жагсаалтаа дүүргийнхээ цахим хуудсанд нийтэлж ,олон нийтэд ил тод болгоогүй байна.

Энэ онд нийслэлийн 9 дүүрэгт Орон нутгийн хөгжлийн сангаас 24,9 тэрбум төгрөгийг төсөвлөжээ. Эдгээрээс дүүрэг бүрт хувиарлалт хийсэн бөгөөд дүүргүүд тухайн  хөрөнгийг хэрхэн зарцуулах төслийн жагсаалтаа Нийслэлийн хөрөнгө оруулалтын газарт хүргүүллээ.

   Өнөөдрийн байдлаар 7 дүүрэг төслийн жагсаалтаа хүргүүлсэн бол Багануур, Хан-Уул дүүрэг жагсаалтаа ирүүлээгүй байгаа талаар Нийслэлийн Хөрөнгө оруулалтын газраас мэдээлсэн юм. Мөн дүүргүүд хугацаа хожимдолгүй төслийн жагсаалтаа хүргүүлж, батлуулсан тохиолдолд хуулийн дагуу сонгон шалгаруулалт, тендер зарлан ажил эхлэх боломжтой болно. Өнгөрсөн жилүүдэд хугацаа алдаж материал ирүүлснээс шалтгаалан орон нутгийн хөгжлийн сангийн хөрөнгөөр хийгдэх ажлууд он дамжих тохиолдол цөөнгүй гарсан тул дүүргийн удирдлагууд онцгой анхаарал хандуулах шаардлагатайг албаныхан сануулжээ.

Нийслэлийн Багануур, Баянзүрх, Багахангай, Баянгол, Хан-Уул дүүргүүд 2014 оны батлагдсан төсвөө цахим хуудсандаа ил тод болгон нийтлээгүй байна.

Баянзүрх дүүргийн номын сан дахь төсвийн мэдээллийн булангийн эхний тавиур

Дүүргийн 2013 оны батлагдсан төсөв хамгийн түрүүнд тавигдаад байна.

Баянзүрх дүүргийн төсвийн хэлэлцүүлэг боллоо.

Нийслэлийн Баянзүрх дүүргийн төсвийн ил тод, нээлттэй байдлыг хангах арга замуудыг олон нийтэд танилцуулах хэлэлцүүлэг 10-р сарын 11-ны Пүрэв гаригт болж дүүргийн удирдлага, Санхүү, төрийн сангийн хэлтсийн ажилтнууд, хороодын иргэдийн төлөөлөл, мөн “Иргэд төсвөө хянана” сүлжээнийхэн оролцлоо.

Сүүлийн дөрвөн жилийн хугацаанд Баянзүрх дүүргийн төсөв, түүний дотор төсвийн хөрөнгө оруулалт үлэмжхэн нэмэгдэж зөвхөн ноднин жил гэхэд 79 тэрбум төгрөгийн хөрөнгө оруулалтын ажил хийгдсэн байна. Үүнтэй нэгэн зэрэг цэцэрлэг, сургууль, цэцэрлэг зэрэг байгууллагуудын төсвийн ил тод байдлыг хангах зорилго бүхий “Шилэн түрийвч” аян зэрэг арга хэмжээг зохион байгуулсан, бас ноднин шийдвэр гаргаж хэрэглэгчдийн эрх ашгийг хамгаалах нийгэмлэг зэрэг төрийн бус байгууллагуудаар нийт 200 сая төгрөгийн ажил гүйцэтгүүлэх гэрээ байгуулсан талаар Засаг дарга Б.Батзориг ярьсан бол Санхүү, төрийн сангийн хэлтсийн дарга Ц.Наранчимэг дүүргийн төсөв, түүний дотор 2013 оны төсвийн төсөл, түүнд иргэдээс авсан саналын дүнг танилцууллаа.

Дараа нь :Баянзүрх дүүргийн төсвийн мэдээллийн bzdtusuv.wordpress.com сайтын загварыг “Иргэн төсвөө хянана” сүлжээний зохицуулагч Д.Цэрэнжав, номын сан, Иргэний танхим, мэдээллийн төв зэрэгт байрлуулан ажиллуулах төсвийн мэдээллийн булангийн танилцуулгыг “Зөв тусгал” ТББ-ын тэргүүн Б.Түвшинбаяр хийж дараа нь хэлэлцүүлэгт оролцогсод санал бодлоо хэллээ.

Баянзүрх дүүрэг орон нутгийн төсвийн үйл явцад иргэдийн оролцоог нэмэгдүүлэх талаар өмнөх жилүүдэд хуримтлуулсан туршлага, дээрээс нь яг одоо туршиж байгаа төсвийн ил тод, нээлттэй байдлыг хангах загварт багтсан цахим хуудас, төсвийн мэдээллийн буланг зэргийг нэвтрүүлснээр нийт орон нутагт, юуны өмнө нийслэлийн бусад дүүрэгт жишиг (үлгэр жишээ) дүүрэг болох зорилт дэвшүүлсэн байна.

Баянзүрх дүүрэг дэх номын сангийн байдал

Анх 1968 онд Найрамдлын районы Амгалангийн клубын дэргэд  байгуулагдаж 1970 онд дүүргийн нийтийн номын сан болж одоогийн Баянзүрх дүүргийн 1-р хорооны нутаг дэвсгэрт,  12-р хорооллын 58-р байрны 1-р давхарт шилжүүлэн байрлуулжээ. 1986 оноос Хотын төв номын сангийн харъяа 3-р салбар номын сан болгон зохион байгуулсан.

Хүүхдийн 40, нийтийн 60 суудалтай уншлагийн хоёр танхимтай. Голдуу сургуулийн сурагчид үйлчлүүлж байна. Харин өглөөгүүр зэргэлдээх байрны ахмадууд ирж шинэ сонин хэвлэл уншдаг. Өдөр тутмын 8 сонин захиалж үйлчидэг юм байна.

Шинэ компьютерүүд авч интернэтийн шугам татсан боловч холболтын төсөвгүйн улмаас холбогдоогүй байна.

 

.

 

Баянзүрх дүүргийн эмнэлгийн мэдээллийн самбар

Нийслэлийн Баянзүрх дүүргийн нэгдсэн эмнэлгийн самбарыг нэлээд хичээж үзэмжтэй хийхийг оролдсон нь харагдаж байна. Самбарын нэг хэсгийг Засгийн газрын 143-р тогтоолын дагуу ангилсан ба “Төсөв санхүүгийн ил тод байдал” буланд тус эмнэлгийн “2012 оны санхүүгийн мэдээлэл” гэсэн нэг хуудсыг тавьжээ.

Баянзүрх дүүргийн нийгмийн даатгалын хэлтсийн мэдээллийн самбар

Тус хэлтэс нь Баянзүрх дүүргийн Төр, захиргааны ордны ард тусдаа байрладаг. Мэдээллийн самбарт нь төсвийн мэдээлэл алга байна.    Тусдаа төсвийн мэдээллийн самбар ажиллуулдаггүй.

Баянзүрх дүүргийн газрын албаны мэдээллийн самбар

Дүүргийн төр, захиргааны ордны баруун жигүүрт байрладаг газрын албаны мэдээллийн самбарт иргэд газар эзэмшихэд бүрдүүлэх шаардлагатай бичиг баримтын жагсаалт зэрэг лавлагааны мэдээллүүд тавигджээ. Тусдаа төсвийн  мэдээллийн булан алга байна.

Баянзүрх дүүргийн ЗДТГ-ын дэргэдэх Биеийн тамир, спортын хорооны мэдээллийн самбар

Уг мэдээллийн самбарт төсвийн холбогдолтой мэдээлэл алга байна. Мөн тусдаа төсвийн мэдээллийн самбар байхгүй.

http://www.bzd.ub.gov.mn сайтад тавигдсан төсвийн холбогдолтой мэдээллийн жагсаалт (2012 оны 5-р сарын 30-ны байдлаар)

Тус дүүргийн төсөв, санхүү, худалдан авалтын мэдээлэл сайтын дөрвөн өөр хэсэгт хоорондоо ямар ч уялдаа холбоогүйгээр тавигдаж байгаа учраас иргэд олж үзэхэд хүндрэлтэй байна. Худалдан авалтын зарууд тавигдсан боловч тендер шалгаруулалтын явц, үр дүнгийн мэдээлэл огт байхгүй.  2012 оны дүүргийн батлагдсан төсөв, хөрөнгө оруулалтын жагсаалт зэрэг тодорхой мэдээлэл одоог хүртэл огт тавигдаагүй байна.

“Баянзүрх дүүрэг – Эдийн засаг” буланд:

Эдийн засаг бүтээн байгуулалт. Дүүргийн төсөв (2009 оны 10-р сарын байдлаарх мэдээлэл)

“Засаг дарга” буланд:

БАЯНЗҮРХ ДҮҮРГИЙН ЗАСАГ ДАРГА Б.БАТЗОРИГИЙН БҮРЭН ЭРХИЙН ХУГАЦААНД ДҮҮРЭГТЭЭ ХИЙЖ  ХЭРЭГЖҮҮЛЭХ БҮТЭЭЛЧ АЖЛЫН ҮНДСЭН ЧИГЛЭЛ

БҮТЭЭЛЧ АЖЛЫН ЗОРИЛТЫГ ХЭРЭГЖҮҮЛЭХ ТӨЛӨВЛӨГӨӨ

НИЙСЛЭЛИЙН БАЯНЗҮРХ ДҮҮРГИЙН ЗАСАГ ДАРГЫН СОНГУУЛИЙН БҮРЭН ЭРХИЙН ХУГАЦААНД 2008-2012 ОНД ХЭРЭГЖҮҮЛЭХ ҮЙЛ АЖИЛЛАГААНЫ ХӨТӨЛБӨР

НИЙСЛЭЛИЙН БАЯНЗҮРХ ДҮҮРГИЙН ЗАСАГ ДАРГЫН СОНГУУЛИЙН БҮРЭН ЭРХИЙН ХУГАЦААНД 2008-2010 ОНД ХЭРЭГЖҮҮЛЭХ ҮЙЛ АЖИЛЛАГААНЫ ХӨТӨЛБӨР, ТӨЛӨВЛӨГӨӨ

“ЗДТГ – Санхүү, төрийн сангийн хэлтэс” буланд:

СТХХ-ийн түүхэн замналАЛСЫН ХАРАА, ЗОРИЛГО, ЗОРИЛТХЭЛТСИЙН БҮТЭЦМАНАЙ ХАМТ ОЛОН (Гэрэл зураг, “Манай бахархал” танилцуулгаҮйл ажиллагаа, үндсэн зарчим, утасны жагсаалт

Хэлтсийн ажилтнууд (Ажилтнуудын гэрэл зураг, товч намтар)

Нийслэлийн Аудитын дүгнэлт (Дүгнэлтийг зургаар оруулсан боловч харагдахгүй байна)

2011 оны хийсэн ажлын тайлан

2012 оны хийсэн ажлын тайлан

Хөрөнгө оруулалтын ажлын талаар Худалдан авах үйл ажиллагааг зохион байгуулах ажлын график (2012 оны 1-4-р улирал)

Төсвийн байгууллагуудын анхааралд ТӨСВИЙН БАЙГУУЛЛАГУУДЫН НЯГТЛАН БОДОГЧ НАРЫН АНХААРАЛД Огноо байхгүй. Засгийн газрын 2012 оны 1 дүгээр сарын 18-ны өдрийн 17 дугаар тогтоолоор батлагдсан “Төсөв, санхүүгийн ил тод байдлыг хангахад дагаж мөрдөх журам”-ын хэрэгжилтийг бүрэн хангах ажлыг зохион байгуулж байгууллагынхаа вэб сайт болон мэдээллийн самбарт төсвийг ил тод, нээлттэй, мэдээллээр иргэдийг байнга хангаж ажиллахыг үүрэг болгож вэб сайт болон мэдээллийн самбарт дараах мэдээллүүдийг бүрэн эхээр нь байршуулж, олон нийгийг нээлттэй, ил тод, үнэн зөв мэдээллээр байнга хангаж ажиллахыг зөвлөсөн нийслэлийн Аудитын газрын албан бичиг.

Мэдээ – “Шинэ мэдээ мэдээлэл” буланд:

2012.04.25.Тендерийн зар

Огноо тодорхойгүй Зарлал (Хог тээвэрлэх зориулалтын автомашин, тоног төхөөрөмжтэй иргэд, аж ахуйн нэгж, байгууллагуудыг ажилд урьсан)

Огноо байхгүй. “2012 онд иргэдээ ажилтай орлоготой болгоход зорьж ажиллана” (Хөрөнгө оруулалт, иргэдийн оролцоог нэмэгдүүлэх жилийн нээлтийн арга хэмжээнээс хийсэн сурвалжлага)

2012.03.26. Санхүү төрийн сангийн хэлтэс үйл ажиллагаагаа танилцуулах нээлттэй өдөрлөг хийлээ

Огноо: 2012-03-20ТЕНДЕРИЙН УРИЛГА

Огноо: 2012-03-13ТЕНДЕРИЙН УРИЛГА

Огноо: 2012-03-12ТЕНДЕРИЙН УРИЛГА

Огноо: 2012-03-12ТЕНДЕРИЙН УРИЛГА

Огноо: 2012-01-26ТЕНДЕРИЙН УРИЛГА

Огноо: 2012-01-26ТЕНДЕРИЙН УРИЛГА

Огноо: 2012-01-25 Хужирбулангийн иргэдэд төрийн үйлчилгээ ойртлоо. Төрийн нэг цэгийн үйлчилгээг иргэдэд хөнгөн шуурхай хүргэх цогболбор барилга шинээр үүд хаалгаа нээлээ. Дүүргийн хүн амын нягтаршлыг багасгахаар хүн ам газар нутгийн байршлыг харгалзан 4 хороог хуваасны нэг нь 28 дугаар хороо юм. Улиастайн 23 дугаар хорооноос өнгөрсөн жил өрх тусгаарласан тус хороо өдгөө 1800 өрхийн 5900 хүн амтай. Хорооны шинэ байр ашиглалтад орсноор иргэд тав тухтай орчинд үйлчилүүлэх боломжтой болж байгаа юм. Нийслэлийн Баянзүрх дүүргийн 28 дугаар хороо өрхийн эмнэлэг, цагдаа, хорооны нэгдсэн цогцолбор байрны нээлтээ хийлээ. Нээлтийн ажиллагаанд ИТХ-ын дарга Б.Төмөрбаатар, дүүргийн Засаг дарга Б.Батзориг, Тамгын газрын дарга Д. Баатарням, хэлтэс албадын дарга нар иргэдийн төлөөлөл оролцлоо. Дүүргийн засаг даргын мөрийн хөтөлбөрт тусгагдсан байргүй хороодыг цогцолбор байрыг ашиглалтад оруулах зорилтын хүрээнд өнөөдөр нийслэлийн төслийн хөрөнгө оруулалтаар 354 сая төгрөгийн санхүүжилтээр уг барилга баригджээ. Гүйцэтгэгчээр “МДББ” ХХК ажилласан. 2 давхар цогцолбор барилгад өрхийн эмнэлэг, хорооны нэг цэгийн үйлчилгээний танхим, цагдаагийн хэсэг байрлахаас гадна ахмадын чийрэгжүүлэлтийн танхим, эмийн сан байрлаж байгаа юм. нийслэлийн захын хороо гэдэг утгаараа иргэд тэр бүр дүүрэг дээр ирэхэд хүндрэлтэй байдаг. Иргэдийн цаг завыг хэмнэж хороон дээр иргэний бүртгэл, халамжийн мэргэжилтэн, зохион байгуулагч 2 хүний орон тоотойгоор ажиллаж байгаа.

Огноо: 2012-01-26ТЕНДЕРИЙН УРИЛГА

Огноо: 2012-01-05ТЕНДЕРИЙН УРИЛГА

2011.12.28 ИТХ-ын 11-р чуулганаар дүүргийн ажилд бүрэн хангалтай дүн өглөө. Дүүргийн иргэдийн төлөөлөгчдийн хурал  оны төгсгөлийн 11-р хуралдаанаа  2011 оны 12-р сарын 28 өдөр Дүүргийнхээ Чуулганы танхимд хийлээ. Энэ удаагийн 11-р хуралдаанаар  иргэдийн төлөөлөгчдийн хурал, тэргүүлэгчдийн 2011 оны үйл ажиллагааны тайлан Дүүргийн эдийн засаг нийгмийг 2009-2011 онд хөгжүүлэх зорилт, төлөвлөгөөний биелэлт болон эдийн засаг, нийгмийн 2012 оны зорилтын тухай,Дүүргийн 2011 оны төсвийн гүйцэтгэл дүүргийн 2012 оны төсөвийн тухай 2012 оны газар зохион байгуулалтын төлөвлөгөө зэрэг 4 асуудлыг авч хэлэлцсэн. Хуралдааны эхэнд Дүүргийн иргэдийн төлөөлөгчдийн хурал, тэргүүлэгчдээс энэ онд хийж хэрэгжүүлсэн ажилд хурлын төлөөлөгчид бүрэн хангалттай гэсэн үнэлгээг өгсөн бол Засаг даргын өнгөрсөн 3 жилийн хугацаанд хийж хэрэгжүүлсэн бүхий л ажилд мөн бүрэн хангалттай гэсэн үнэлгээг хуралд оролцсон бүхий л төлөөлөгчид    өглөө. Ирэх жилийн хувьд дүүргийн эдийн засаг нийгмийг хөгжүүлэх зорилтод ажлын хувьд 2012 оныг “Хөрөнгө оруулалт-Иргэдийн оролцоог нэмэгдүүлэх” жил болгон зарлах шийдвэрийг хурлаас баталж өглөө. Хуралдааны үндсэн 3  дугаар асуудлын хувьд 2011 оны төсвийн гүйцэтгэл 2012 оны төсвийн төсөл байлаа. Өнгөрсөн жилийн иргэдийн төлөөлөгчдийн хурлаар 2011 оны төсвийг 7,4 тэрбум төгрөг байхаар баталсан. Энэ төлөвлөгөөгөөгөө давуулан биелүүлж чадсан амжилтаар энэ оноо үдэж байгаа төдийгүй дараа оны төсвийг улам бүр өсөн нэмэгдүүлж 8,8 тэрбум төгрөгийг олох зорилтыг тавин ажиллахаар боллоо. Энэхүү төсвийг бүрдүүлж чадсанаараа ирэх онд хийгдэх зам дэд бүтэц сургууль цэцэрлэгийн барилга, амралт чөлөөт цагийн талбай ногоон байгууламжаа нэмэгдүүлэх, хоггүй дүүрэг болох зорилтын хүрээнд зарцуулагдах төсөв хөрөнгө болох учиртай юм.Манай дүүрэг газрын маргаангүй дүүрэг болох зорилтыг тавьж ажилласан. Энэ зорилтод ажлынхаа хүрээнд бүтээн байгуулалтын ажилтай газрын үндсэн бодлогыг уяж ажилласны үр дүнд иргэдэд нөхөн олговор олгох замаар газрыг нь чөлөөлж эмнэлэг сургууль цэцэрлэг барьж байгуулах боломжийг бүрдүүлсэний зэрэгцээ дэд бүтэц зам талбайг сайжруулах зорилгоор хууль бусаар хашаа хатгасан болон контанер тавьсан газруудыг  чөлөөлсөн байна. Мөн иргэдэд газар өмчлүүлэх асуудлын хүрээнд одоогийн  байдлаар 20 мянган иргэнд газрыг нь өмчлүүлэх ажлыг хийж гүйцэтгэсэн байна. Энэ дүн мэдээллээр газрын маргааныг 51 хувиар бууруулсан амжилтаар  газрын маргаангүй  дүүрэг болох зорилтоо хэрэгжүүлж чадсан байна. Санал шүүмжлэл асуулт хариултаар өрнөсөн энэ удаагийн хуралдаанаар энэ онд дүүргээс баг хамт олноороо хийж хэрэгжүүлсэн бүхий л ажилд төлөөлөгчдийн зүгээс  бүрэн хангалттай гэсэн үнэлгээг өгч дараагийнхаа ажлыг энэ эрч хүчээр хийхийг хүсэн өрөөлөө.

ОРОН НУТГИЙН САНХҮҮГИЙН УДИРДЛАГАД ИРГЭДИЙН ОРОЛЦООГ НЭМЭГДҮҮЛЬЕ. ОЮУТНЫ ИЛТГЭЛИЙН УРАЛДААНЫ УДИРДАМЖ Нэг. Илтгэлийн уралдааны зорилго Баянзүрх дүүргийн нийгэм эдийн засгийн өсөлт хөгжил, санхүүгийн салбарын тогтвортой хөгжлийг хангахад чиглэгдсэн цаашдын чиг хандлагыг нь тодорхойлох судалгаа шинжилгээний ажилд дэмжлэг үзүүлэх,оюутан залуучуудын бүтээлч сэтгэлгээг нэмэгдүүлэх, онол практикийн ач холбогдол бүхий бүтээлийг шалгаруулахад энэхүү уралдааны гол зорилго нь оршино. Дөрөв. Хамрах хүрээ Баянзүрх дүүрэгт оршдог, Эдийн засаг, бизнес удирдлагын чиглэлээр сургалт явуулдаг их, дээд сургуулийн оюутнууд оролцоно. Тав. Материал хүлээн авах хугацаа Хугацаа:2011 оны 10 дугаар сарын 17-ны өдрөөс 12 дугаар сарын 02-ны хооронд Зургаа.Шалгаруулалт – Шалгаруулалтыг 2 үе шаттайгаар явуулна. Оролцогчид багаар оролцож болно. – 1-р шатны шалгаруулалт нь 12-р сарын 02-нд болно. – 2-р шатны шалгаруулалтанд тэнцсэн шилдэг илтгэлүүдийг 12-р сарын 03-нд 13 цагт дүүргийн Засаг даргын Тамгын газрын байранд шүүн хэлэлцэж байр эзлүүлнэ.

Огноо: 2011-11-16ТЕНДЕРИЙН УРИЛГА

Огноо: 2011-11-16ТЕНДЕРИЙН УРИЛГА

Огноо: 2011-11-16ТЕНДЕРИЙН УРИЛГА

Огноо: 2011-11-11ТЕНДЕРИЙН УРИЛГА

Баянзүрх дүүрэг: Төсвийн цахим хуудас ба төсвийн мэдээллийн самбарууд

1.Нийслэлийн Баянзүрх дүүргийн төсвийн ил тод, нээлттэй байдлын мониторингийн хүрээнд тус дүүргийн төр, захиргаа болон төсвийн байгууллагууд “Төсөв, санхүүгийн ил тод байдлыг хангахад дагаж мөрдөх журам”-ын дагуу төсвийн цахим хуудас ба мэдээллийн самбар ажиллуулж байгаа эсэх, хэрвээ ажиллуулж байгаа бол төсвийн мэдээллийг журманд заасны дагуу нийтэлж байгаа эсэхийг үзэж танилцсан юм. Дүүргийн албан ёсны вэб сайтад нийгэм, эдийн засгийн ерөнхий танилцуулга, Засаг даргын мөрийн хөтөлбөр, түүнийг хэрэгжүүлэх төлөвлөгөө, төсөв баталсан ИТХ-ын хуралдаан, Санхүү, төрийн сангийн хэлтсээс зохион байгуулсан төсвийн танилцуулга, арга хэмжээнүүдийг тухай бүр мэдээлж байгаа боловч дүүргийн төсөв нь өөрөө алга байна. Жишээлбэл, 2012 оны батлагдсан төсвийн жагсаалт хаанаас ч олдохгүй байна.

2.Дүүргийн хэмжээний төсвийн байгууллага тус бүрийг вэб сайт, цахим хуудастай  байхыг шаардахад бэрхшээлтэй учраас дүүргийн нэгдсэн сайтад байгаа тэдгээр байгууллагын нэртэй танилцуулгын буланг цахим хуудас гэж үзээд төсвийн мэдээлэл байгаа эсэхийг нягталсан болно.

3.”Төсөв, санхүүгийн ил тод байдлыг хангахад дагаж мөрдөх журам”-д заасан төсвийн мэдээллийн самбарыг бидний үзсэн нэг ч байгууллага бүрэн хийж байрлуулаагүй, ажиллуулаагүй байна.

(2012 оны 5-р сарын 30-ны байдлаар).

Төсвийн байгууллага	Төсвийн захирагч	Төсвийн цахим хуудас	Төсвийн самбар
Баянзүрх дүүрэг (дүүргийн нийт төсөв)	Засаг дарга Б.Батзориг	www.bzd.ub.gov.mn сайтад дүүргийн төсвийн холбогдолтой зарим мэдээлэл, тухайлбал, Санхүү, төрийн сангийн хэлтсийн хуудсанд төсвийн үйл явдлын мэдээ, худалдан авалтын хуваарь оржээ. Мөн мэдээ, мэдээллийн буланд худалдан авалтын зарууд тавигдаж байна. Харин 2012 оны батлагдсан төсөв, төсвийн хуваарь зэрэг мэдээлэл алга байна.	Төсвийн мэдээлэлд тусгайлан зориулсан самбар байхгүй. Тус байранд самбар тун цөөн. Харин дүүргийн төр захиргааны ордны гадна мэдээллийн том дэлгэц ажилладаг.
Иргэдийн төлөөлөгчдийн хурал (зөвхөн ИТХ-ын төсөв)	Дарга Б.Төмөрбаатар	Дүүргийн албан ёсны www.bzd.ub.gov.mn вэб сайтад ИТХ-ын тухай булан бий, гэхдээ ИТХ-ын төсвийн талаар ямар нэгэн мэдээлэл байхгүй	ИТХ-ын мэдээллийн самбар байгаа боловч тэнд төсвийн мэдээлэл байхгүй
ЗДТГ (зөвхөн ЗДТГ-ын төсөв)	ЗДТГ-ын дарга Д.Баатарням	www.bzd.ub.gov.mn сайтад Засаг даргын тамгын газар гэсэн булан бий, гэхдээ төсвийн мэдээлэл байхгүй.	Байгууллагын болон төсвийн мэдээллийн самбар байхгүй.
Биеийн тамир, спортын хороо	Дарга С.Эрдэнэбат	www.bzd.ub.gov.mn сайтад танилцуулга бий, гэхдээ төсвийн мэдээлэл байхгүй.	Байгууллагын самбарт  төсвийн мэдээлэл байхгүй. Төсвийн мэдээллийн самбар байхгүй.
Газрын алба	Дарга А.Энхманлай	www.bzd.ub.gov.mn сайтад танилцуулга бий, гэхдээ төсвийн мэдээлэл байхгүй. Нийслэлийн газрын албаны http://gazar.ub.gov.mn сайтад тус албанд зориулсан хуудастай, гэхдээ төсвийн мэдээлэл байхгүй.	Мэдээллийн самбар бий, гэхдээ төсвийн мэдээллийн самбар байхгүй.
Эрүүл мэндийн нэгдэл	Дарга Б.Пунцаг	www.bzd.ub.gov.mn сайтад танилцуулга бий, гэхдээ төсвийн мэдээлэл байхгүй.	Төсвийн мэдээллийн самбартай ганц байгууллага. “Манай байгууллагын 2012 оны орлого, зарлагын зарцуулалт” гэсэн тусдаа самбарт төсөв, санхүүгийн нэлээд мэдээлэл багтжээ.
Баянзүрх эмнэлэг	–	www.bzd.ub.gov.mn сайтад танилцуулга бий, гэхдээ төсвийн мэдээлэл байхгүй.	Байгууллагын мэдээллийн самбарын нэг хэсэгт “Төсөв санхүүгийн ил тод байдал” буланд “2012 оны санхүүгийн мэдээлэл” гэсэн нэг хуудсыг тавьжээ. Маш товч хэдхэн тоо.
Цагдаагийн хэлтэс	Дарга Д.Ядамдорж	Тус хэлтэс нь http://bayanzurkh.police.gov.mn сайттай. Гэхдээ төсвийн мэдээлэл тавиагүй байна.	Шинэ байрны хананд “Цагдаагийн байгууллагын үйлчилгээний стандарт”-ыг дэлгэрэнгүй бичжээ. Самбаруудад төсвийн мэдээлэл байхгүй.
Замын цагдаагийн тасаг	Дарга Д.Дашдорж	Цахим хуудсанд тодорхой мэдээлэл байхгүй. ЗЦГ-ын http://www.trafficpolice.gov.mn сайтад товч танилцуулга бий, гэхдээ төсвийн мэдээлэл алга.	Төсвийн мэдээллийн самбар байхгүй.
Дүүргийн прокурорын газар	Дүүргийн прокурор Т.Баярсайхан	Дүүргийн албан ёсны сайт болон УЕПГ-ын http://www.gpo.mn сайтад товч танилцуулгатай. Гэхдээ төсвийн мэдээлэл байхгүй	Төсвийн мэдээллийн самбар байхгүй. Байгууллагын мэдээллийн самбарууд төсвийн тухай алга байна
Дүүргийн шүүх	Ерөнхий шүүгч	Тус шүүх тусдаа www.bayanzurkh.court.gov.mn сайттай, гэхдээ төсвийн тухай мэдээлэл алга байна.	Төсвийн мэдээллийн самбар байхгүй. Байгууллагын самбаруудад төсвийн мэдээлэл алга байна.
Татварын хэлтэс	–	www.bzd.ub.gov.mn сайтад нэлээд дэлгэрэнгүй танилцуулга бий, гэхдээ төсвийн мэдээлэл байхгүй.	Төсвийн мэдээллийн самбар байхгүй. Байгууллагын самбарт төсвийн мэдээлэл алга байна
Нийгмийн даатгалын хэлтэс	–	www.bzd.ub.gov.mn сайтад нэлээд дэлгэрэнгүй танилцуулга бий, гэхдээ төсвийн холбогдолтой мэдээлэл алга байна. Бас нийслэлийн нийгмийн даатгалын газрын www.daatgal.ub.gov.mn сайтад цахим хуудас бий боловч төсвийн мэдээлэл байхгүй.	Төсвийн мэдээллийн самбар байхгүй. Байгууллагын самбарт төсвийн мэдээлэл алга байна
Хөдөлмөр, халамж үйлчилгээний хэлтэс	–	Дүүргийн http://www.bzd.ub.gov.mn сайтад тус хэлтсийн танилцуулга байна, гэхдээ төсвийн ямар нэгэн мэдээлэл байхгүй.	Төсвийн мэдээллийн самбар байхгүй. Байгууллагын самбарт төсвийн мэдээлэл алга байна
Статистикийн хэлтэс	Дарга Н.Энхтуяа	http://www.bzd.ub.gov.mn сайтад танилцуулга бий, гэхдээ төсвийн мэдээлэл байхгүй.	Төсвийн мэдээллийн самбар байхгүй. Байгууллагын самбарт төсвийн мэдээлэл алга байна
Онцгой байдлын хэлтэс	–	www.bzd.ub.gov.mn сайтад товч танилцуулга бий. Төсвийн мэдээлэл байхгүй.	Төсвийн мэдээллийн самбар байхгүй. Байгууллагын самбарт төсвийн мэдээлэл алга байна
Мэргэжлийн хяналтын хэлтэс	–	www.bzd.ub.gov.mn сайтад танилцуулга, үйлчилгээний зарим мэдээлэлтэй, гэхдээ төсвийн мэдээлэл алга. Нийслэлийн мэргэжлийн хяналтын газрын http://www.mhg.ub.gov.mn сайтад танилцуулга орсон, гэхдээ төсвийн мэдээлэл байхгүй.	Төсвийн мэдээллийн самбар байхгүй. Байгууллагын самбарт төсвийн мэдээлэл алга байна
Хог хаягдлын үйлчилгээний сан	–	www.bzd.ub.gov.mn сайтад танилцуулга бий, гэхдээ төсвийн мэдээлэл байхгүй.	Төсвийн мэдээллийн самбар байхгүй. Байгууллагын самбарт төсвийн мэдээлэл алга байна
Тохижилт, үйлчилгээний компани	[нөхөж бичнэ]	www.bzd.ub.gov.mn сайтад нэрийг бичсэн боловч танилцуулга болон төсвийн мэдээлэл байхгүй.	Төсвийн мэдээллийн самбар байхгүй. Байгууллагын самбарт төсвийн мэдээлэл алга байна
Д.Сүхбаатарын нэрэмжит соёлын төв  (Жанжин клуб)	С.Бархас	www.bzd.ub.gov.mn сайтад маш товч танилцуулга бий, гэхдээ төсвийн мэдээлэл байхгүй.	Соёлын төвийн түүх, үйлчилгээг танилцуулсан самбар байдаг төсвийн мэдээлэл байхгүй. Тусдаа самбаргүй.
Мал эмнэлэг, үржлийн алба	–	www.bzd.ub.gov.mn сайтад танилцуулга бий, гэхдээ төсвийн мэдээлэл байхгүй.	Төсвийн мэдээллийн самбар байхгүй. Байгууллагын самбарт төсвийн мэдээлэл алга байна
Боловсролын хэлтэс	–	www.bzd.ub.gov.mn сайтад танилцуулгаас гадна дүүргийн боловсролын салбарын 2010, 2011 оны төсөв, хөрөнгө оруулалтын зарим мэдээлэл орсон байна.	Төсвийн мэдээллийн самбар байхгүй. Байгууллагын самбарт төсвийн мэдээлэл алга байна
Сургуулиуд		Баянзүрх дүүрэгт төрийн өмчийн 20 сургууль байдаг	“Шилэн түрийвч” аянд хамрагдсан зарим сургуульд урьд жилүүдэд хийсэн төсвийн мэдээллийн самбар байна. Гэхдээ мэдээлэл шинэчлэгдээгүй.
Цэцэрлэгүүд		Баянзүрх дүүрэгт төрийн өмчийн 30 цэцэрлэг байдаг	“Шилэн түрийвч” аянд хамрагдсан зарим сургуульд урьд жилүүдэд хийсэн төсвийн мэдээллийн самбар байна. Гэхдээ мэдээлэл шинэчлэгдээгүй.
Гэгээрэл төв	Захирал Д.Дугармаа	Дүүргийн сайтад танилцуулга байна, гэхдээ төсвийн мэдээлэл байхгүй. Тус байгууллагын http://www.bzd-gegeerel.mn сайт ажиллахгүй байна.	Төсвийн мэдээллийн самбар байхгүй. Байгууллагын самбарт төсвийн мэдээлэл алга байна

[Мониторинг үргэлжилж байгаа болно. Сургууль, цэцэрлэгийн зуны амралт эхэлсэн тул одоохондоо мониторинг хийх боломжгүй. Харин дүүргийн хороодоор явж төсвийн мэдээллийг үзнэ]

Нэгтгэсэн Б.Түвшинбаяр (“Зөв тусгал” ТББ-ын гүйцэтгэх захирал)

Тендерийн мэдээлэл дүүргийн http://www.bzd.ub.gov.mn вэб сайтад нийтлэгдэж байна

Баянзүрх дүүргийн худалдан авах ажиллагааг зохион байгуулах хуваарь нь http://www.bzd.ub.gov.mn вэб сайтын ЗДТГ-ын Санхүү, төрийн сангийн хэлтсийн хуудсанд тавигджээ.  Шууд олж үзэхэд түвэгтэй байсан.  Энэ хуваарь 2012 оны 1-4-р сарыг хамарч байна. 

Бас Санхүү, төрийн сангийн хэлтсийн өрөөнүүдийн орчимд ямар нэгэн мэдээллийн самбар байгаагүй, харин нэг өрөөний үүдэнд дүүргийн 2012 оны 1-р улирлын худалдан авалтын хуваарийг тавьсан байв.

Харин тендерийн зарууд нь шинэ мэдээ, мэдээллийн хуудсанд тавигджээ. Ингэж хоёр өөр хуудсанд оруулсан нь эрж олоход түвэгтэй байна. Эндээс үзэхэд, төсөв, худалдан авалтын тусдаа булан гаргах шаардлагатай. Бас тендерийн зарын огноог харахад хуулийн хугацаанд зарлаж байжээ.

“Төсөв, санхүүгийн ил тод байдлыг хангахад дагаж мөрдөх журам”-ын хэрэгжилт хангалтгүй …

“Төсөв, санхүүгийн ил тод байдлыг хангахад дагаж мөрдөх журам”-ын хэрэгжилт хангалтгүй байгаа тул Нийслэлийн аудитын газраас орон нутгийн төсвийн байгууллагуудын нягтлан бодох нарт хандаж дараах албан бичгийг 5-р сарын дундуур явуулж анхааруулсан байна.  Баянзүрх  дүүргийнхэн энэ албан бичгийг сайтдаа тавьсан нь сайшаалтай боловч төсвийн байгууллагууд хэрэгжүүлэхгүй хэвээр байгаа манай мониторинг харуулж байна.  

ТӨСВИЙН БАЙГУУЛЛАГУУДЫН НЯГТЛАН БОДОГЧ НАРЫН АНХААРАЛД

1. Засгийн газрын 2012 оны 1 дүгээр сарын 18-ны өдрийн 17 дугаар тогтоолоор батлагдсан “Төсөв, санхүүгийн ил тод байдлыг хангахад дагаж мөрдөх журам”-ын хэрэгжилтийг бүрэн хангах ажлыг зохион байгуулж байгууллагынхаа вэб сайт болон мэдээллийн самбарт төсвийг ил тод, нээлттэй, мэдээллээр иргэдийг байнга хангаж ажиллахыг үүрэг болгож байна.

2012 оны 1 дүгээр Улаанбаатар сарын 18-ны өдөр Дугаар 17 хот

Журам батлах тухай
Төсвийн тухай хуулийн 41.7-д заасныг үндэслэн Монгол Улсын Засгийн газраас ТОГТООХ нь:
1. “Төсөв, санхүүгийн ил тод байдлыг хангахад дагаж мөрдөх журам”-ыг хавсралт ёсоор баталсугай.
2. Журмыг хэрэгжүүлж ажиллахыг бүх шатны төсвийн захирагч, төрийн болон орон нутгийн өмчит, төрийн болон орон нутгийн өмчийн оролцоотой аж ахуйн нэгжийн удирдлагад үүрэг болгосугай.
3. Энэхүү тогтоолын хэрэгжилтэд хяналт тавьж ажиллахыг Сангийн сайд С.Баярцогт, Монгол Улсын сайд, Засгийн газрын Хэрэг эрхлэх газрын дарга Ч.Хүрэлбаатар нарт үүрэг болгосугай.

Монгол Улсын Ерөнхий сайд С.БАТБОЛД
Сангийн сайд С.БАЯРЦОГТ

2. Төсвийн байгууллагууд дараах зөвлөмжтэй танилцаж байгууллагын вэб сайт болон мэдээллийн самбарт дараах мэдээллүүдийг бүрэн эхээр нь байршуулж, олон нийгийг нээлттэй, ил тод, үнэн зөв мэдээллээр байнга хангаж ажиллахыг зөвлөсөн байна.

Дэлгэцийн мэдээлэл

Баянзүрх дүүргийн төр, захиргааны ордны нэгдүгээр давхарт байдаг нэг цэгийн үйлчилгээний заалны самбарт өлгөөстэй дэлгэцэн дээр сурталчилгааны баримтат кино гарч байна.

Одоогоор 2009 оны төсвийн мэдээлэл байна.

Баянзүрх дүүргийн төсвийн шинэ мэдээлэл тус http://www.bzd.ub.gov.mn сайтад алга байна. 2012 оны 5-р сарын байдлаар зөвхөн 2009 он ба түүнээс өмнөх төсвийн мэдээлэл тавигджээ.

Баянзүрх дүүргийн хөрөнгө оруулалтын жилийн нээлт

http://www.bzd.ub.gov.mn сайтад тавигдсан мэдээ.

2012 онд иргэдээ ажилтай орлоготой болгоход зорьж ажиллана.

Баянзүрх дүүрэг 2012 оныг “Хөрөнгө оруулалт иргэдийн оролцоог нэмэгдүүлэх жил болгон зарлажээ. Жилийн ажлын нээлтээ цэргийн дуу бүжгийн эрдмийн танхимд иргэдтэйгээ хийлээ. Тус дүүрэгт энэ онд 79,3 тэрбум төгрөгийн хөрөнгө оруулалтын ажил хийгдэхээс гадна иргэдийн оролцоонд тулгуурлан тэдний нийгмийн асуудлыг түлхүү шийдвэрлэхэд онцгойлон анхаарах юм. Баянзүрх дүүрэгт хийгдэх томоохон бүтээн байгуулалтуудаас дурдвал хүүхэд залуучуудын чөлөөт цагийг зөв боловсон өнгөрүүлэхэд зориулж 5000 хүний суудалтай хөл бөмбөгийн талбай, усан спорт сургалтын төв, 150 хүний ортой төрөх эмнэлэг зэрэг томоохон ажлууд хийгдэх юм байна.

Нээлтийн ёслолын ажиллагааг нээж дүүргийн Засаг дарга Б.Батзориг хэлсэн үгэндээ “Өнгөрсөн онд нийгмийн салбарт томоохон хөрөнгө оруулалтууд хийгдэж 100 хүүхдийн ортой 8 шинэ цэцэрлэг, 50-75 хүүхдийн ортой дөрвөн цэцэрлэгийн өргөтгөл, зургаан сургуулийн өргөтгөлийг ашиглалтад оруулж хүүхдүүддээ бэлэг барьсан бол энэ жил 640 хүүхдийн суудалтай хоёр шинэ сургуулийн барилга, хоёр сургуулийн өргөтгөл , 500 хүний суудалтай соёлын төв мөн иргэдийн саналыг авч хороодод бичил цэцэрлэг, гудамжны тохижилтуудыг хийнэ. Мөн Энхтайваны өргөн чөлөөний дагуу төв замыг шинэчлэнэ гээд иргэдийн ая тухтай амьдрах орчныг бүрдүүлэхэд анхаарч байгаагаа тухайгаа онцолсон юм. Мөн иргэдийг эдийн засгийн хувьд бие даасан байх нөхцөлийг хангаж өнгөрсөн онд 43 аж ахуйн нэгжид 2 тэрбум 302 сая төгрөгийн зээл олгосон. Шинээр 10800 иргэнийг байнгын ажлын байраар хангасан байна.

Засаг даргын санаачилгаар “Архигүй дүүрэг аян” энэ онд ч мөн үргэлжлэнэ. Түүнчлэн хоггүй дүүрэг болох зорилтын хүрээнд цагаан даваанд хог ангилан ялгах цэгийг Япон улсын дэмжлэгтэйгээр байгуулж байгаа аж. Иргэдээ ажилтай орлоготой болгож нийгмийн асуудлыг шийдэхэд онцгойлон анхаарч ажиллаж байгаа юм байна.

Нээлтийн ёслолын ажиллагааны үеэр жижиг дунд бизнеэс эрхлэгчдийн хийсэн гар урлалын үзэсгэлэн худалдааг зохион байгуулсан байна.

Гаднах электрон самбар

Баянзүрх дүүргийн төр, захиргааны ордны гадна зоосон том электрон самбар бол нийслэлийн бусад дүүрэгт байхгүй том самбар юм. Дүүргийн тухай баримтат киног цаг үеийн зар мэдээлэл, сурталчилгаа гардаг. Төсвийн тухай мэдээлэл гардагггүй, тэгээд ч тоо баримтаас бүрдсэн төсвийн мэдээллийг иргэд ийм самбараас авахад хүндрэлтэй болов уу.

ИТХ-ын мэдээллийн самбар

Баянзүрх дүүргийн 2012 оны төсвийг тус дүүргийн ИТХ-аар 2011 оны 12-р сарын 28-ны өдөр хэлэлцэж баталжээ. Одоо тус дүүргийн ИТХ-ын мэдээллийн самбарт төсвийн ямар мэдээлэл байгааг үзлээ. Самбарын дунд хэсэгт Монгол Улсын Үндсэн хуулийн заалт, баруун гар талд төлөөлөгчдийн гэрэл зураг тавигдсан байна.

Самбарын нөгөө хэсэгт ИТХ-ын ажлын алба, гэмт хэргээс урьдчилан сэргийлэх ажлыг зохицуулах зөвлөлийн бүтэц, хороодын нийтийн хурлын дарга гэрэл зураг оржээ.

Бас ИТХ-ын үйл ажиллагааны эхний хоёр сард хийсэн ажлын мэдээллийг хоёр хуудсанд бичжээ. Харин төсвийн холбогдолтой мэдээлэл алга байна.

Иргэдэд үйлчлэх чөлөөт интернэтийн төв

Баянзүрх дүүргийн төр, захиргааны шинэ байрны нэгдүгээр давхарт “Иргэдэд үйлчлэх чөлөөт Интернэтийн төв” нэртэй хоёр компьютертэй үнэ төлбөргүй үйлчилгээ тогтмол ажиллаж байна. Ямар ч хүн ирж суугаад ашиглах боломжтой.

Гэхдээ энэ компьютерт дүүргийн төсөвтэй холбоотой мэдээлэл алга байна. Харин эндээс дүүргийн http://www.bzd.ub.gov.mn/ сайт руу нэвтэрч болно. Тэнд төсвийн зарим нэг мэдээлэл байдаг. Компьютерүүдийн хажууда иргэдэд хууль зүйн үнэгүй зөвлөгөө өгөх төвүүдийн хаягийг бичсэн байв.

Санхүү, төрийн сангийн хэлтэс үйл ажиллагаагаа танилцуулах нээлттэй өдөрлөг хийлээ.

2012 оны 3-р сарын 26-нд Баянзүрх дүүргийн http://www.bzd.ub.gov.mn вэб сайтад нийтлэгдсэн мэдээ.

Санхүү төрийн сангийн хэлтэс үйл ажиллагаагаа танилцуулах нээлттэй өдөрлөг хийлээ.

Баянзүрх дүүрэг нь 2012 оныг ХӨРӨНГӨ ОРУУЛАЛТ-ИРГЭДИЙН ОРОЛЦООГ НЭМЭГДҮҮЛЭХ ЖИЛ болгон зарласан. Дүүргийн Санхүү, төрийн сангийн хэлтэсээс төсвийн байгууллагуудын үйлдвэрчний эвлэлийн хорооны дарга нар, иргэд ТББайгууллагуудын төлөөллийг оролцуулан нээлттэй өдөрлөгийг зохион байгуулж байна. Төрийн үйлчилгээг ил тод, шуурхай, хүртээмжтэй болгох чиглэлээр орон нутгийн төсвийг төлөвлөх, хэрэгжүүлэх, тайлагнах бүх үйл ажиллагаанд иргэдийн оролцоог нэмэгдүүлэх, татвар төлөгчдийн төлсөн татварын мөнгө юунд, хэрхэн зарцуулагдаж байгааг тайлагнах мөн Хэлтсийн үйл ажиллагаатай танилцуулах, мэдээлэл өгөх ажлыг зохион байгуулж байна. Баянзүрх дүүрэг нь төсвийг ил тод нээлттэй байлгах үүднээс Шилэн түрийвч аяныг 3 жил дараалалан хэрэгжүүлж байгаа бөгөөд 2011 оны гүйцэтгэлээр Боловсрол Соёл Шинжлэх Ухааны сайдын багц 22425,4 сая төгрөгөөр, Эрүүл мэндийн сайдын багц 3829,7 сая төгрөгөөр, Нийгмийн хамгаалал хөдөлмөрийн сайдын 328,2 сая төгрөгөөр, Үндэсний статистикийн газрын харьяа 42,3 сая төгрөгөөр, Орон нутгийн төсвийн байгууллагууд 65594,1 сая төгрөгөөр, нийт дүүргийн төсвийн зарлага 33,2 тэрбум төгрөгийг зарцуулсан  байна. Дүүргээс 2012 онд төсвийн орлогын талаар баримтлах бодлого нь төсвийн тэнцвэрт харьцааг хадгалах хэмжээнд орлогын боломжит эх үүсвэрийг бүрэн дайчлах, нийгэм эдийн засгийн зорилтыг биелүүлэх, төсвийн орлогын тогтвортой бааз суурийг өргөжүүлэх, татварын ногдуулалт, төлөлтөд тавих хяналтыг сайжруулж, татвар хураалтыг эрчимжүүлэх, нийслэл, дүүргийн Засаг даргын үйл ажиллагааны хөтөлбөр, эдийн засаг нийгмийг хөгжүүлэх зорилтыг ханган биелүүлэхэд  дүүргийн орон нутгийн төсвийн орлогыг 8 тэрбум 828 сая 983,9 мянган төгрөгөөр, төсвийн зарлагыг 7 тэрбум 306 сая 48,6 мянган төгрөгөөр төлөвлөн ажиллаж байна.

Баянзүрх дүүргийн хөрөнгө оруулалтын жилийн нээлт

http://www.bzd.ub.gov.mn сайтад тавигдсан мэдээ.

2012 онд иргэдээ ажилтай орлоготой болгоход зорьж ажиллана.

Баянзүрх дүүрэг 2012 оныг “Хөрөнгө оруулалт иргэдийн оролцоог нэмэгдүүлэх жил болгон зарлажээ. Жилийн ажлын нээлтээ цэргийн дуу бүжгийн эрдмийн танхимд иргэдтэйгээ хийлээ. Тус дүүрэгт энэ онд 79,3 тэрбум төгрөгийн хөрөнгө оруулалтын ажил хийгдэхээс гадна иргэдийн оролцоонд тулгуурлан тэдний нийгмийн асуудлыг түлхүү шийдвэрлэхэд онцгойлон анхаарах юм. Баянзүрх дүүрэгт хийгдэх томоохон бүтээн байгуулалтуудаас дурдвал хүүхэд залуучуудын чөлөөт цагийг зөв боловсон өнгөрүүлэхэд зориулж 5000 хүний суудалтай хөл бөмбөгийн талбай, усан спорт сургалтын төв, 150 хүний ортой төрөх эмнэлэг зэрэг томоохон ажлууд хийгдэх юм байна.

Нээлтийн ёслолын ажиллагааг нээж дүүргийн Засаг дарга Б.Батзориг хэлсэн үгэндээ “Өнгөрсөн онд нийгмийн салбарт томоохон хөрөнгө оруулалтууд хийгдэж 100 хүүхдийн ортой 8 шинэ цэцэрлэг, 50-75 хүүхдийн ортой дөрвөн цэцэрлэгийн өргөтгөл, зургаан сургуулийн өргөтгөлийг ашиглалтад оруулж хүүхдүүддээ бэлэг барьсан бол энэ жил 640 хүүхдийн суудалтай хоёр шинэ сургуулийн барилга, хоёр сургуулийн өргөтгөл , 500 хүний суудалтай соёлын төв мөн иргэдийн саналыг авч хороодод бичил цэцэрлэг, гудамжны тохижилтуудыг хийнэ. Мөн Энхтайваны өргөн чөлөөний дагуу төв замыг шинэчлэнэ гээд иргэдийн ая тухтай амьдрах орчныг бүрдүүлэхэд анхаарч байгаагаа тухайгаа онцолсон юм. Мөн иргэдийг эдийн засгийн хувьд бие даасан байх нөхцөлийг хангаж өнгөрсөн онд 43 аж ахуйн нэгжид 2 тэрбум 302 сая төгрөгийн зээл олгосон. Шинээр 10800 иргэнийг байнгын ажлын байраар хангасан байна.

Засаг даргын санаачилгаар “Архигүй дүүрэг аян” энэ онд ч мөн үргэлжлэнэ. Түүнчлэн хоггүй дүүрэг болох зорилтын хүрээнд цагаан даваанд хог ангилан ялгах цэгийг Япон улсын дэмжлэгтэйгээр байгуулж байгаа аж. Иргэдээ ажилтай орлоготой болгож нийгмийн асуудлыг шийдэхэд онцгойлон анхаарч ажиллаж байгаа юм байна.

Нээлтийн ёслолын ажиллагааны үеэр жижиг дунд бизнеэс эрхлэгчдийн хийсэн гар урлалын үзэсгэлэн худалдааг зохион байгуулсан байна.