“Орон нутгийн төсвийн ил тод, нээлттэй байдлын загвар стандарт”-ыг танилцуулж хэлэлцүүлнэ

Төсвийн мэдээллийн самбарын жишээ

Нийслэлийн Багануур дүүргийн 138-р цэцэрлэгийнхэн 2009 онд “Шилэн түрийвч” аян хэрэгжүүүлэх явцдаа өөрийн байгууллагын төсвийн задаргааг ийм хүснэгтээр эцэг эхчүүдэд танилцуулж байжээ.

Ховд. Номын сангийн төсвийн мэдээллийн буланд шинэ мэдээлэл тавигдав

Баянзүрх дүүрэг дэх номын сангийн байдал

Анх 1968 онд Найрамдлын районы Амгалангийн клубын дэргэд  байгуулагдаж 1970 онд дүүргийн нийтийн номын сан болж одоогийн Баянзүрх дүүргийн 1-р хорооны нутаг дэвсгэрт,  12-р хорооллын 58-р байрны 1-р давхарт шилжүүлэн байрлуулжээ. 1986 оноос Хотын төв номын сангийн харъяа 3-р салбар номын сан болгон зохион байгуулсан.

Хүүхдийн 40, нийтийн 60 суудалтай уншлагийн хоёр танхимтай. Голдуу сургуулийн сурагчид үйлчлүүлж байна. Харин өглөөгүүр зэргэлдээх байрны ахмадууд ирж шинэ сонин хэвлэл уншдаг. Өдөр тутмын 8 сонин захиалж үйлчидэг юм байна.

Шинэ компьютерүүд авч интернэтийн шугам татсан боловч холболтын төсөвгүйн улмаас холбогдоогүй байна.

 

.

 

Мэдээллийн цахим дэлгэцүүд ажиллахгүй байна

Сүүлийн үед төрийн байгууллагуудад янз бүрийн электрон дэлгэцүүд олноор тавигдаж байгаа боловч бидний очиж үзсэн газар болгонд огт ажиллахгүй байгаа нь харагдлаа.  Сүхбаатар дүүргийн ЗДТГ-ын дэргэдэх Нэг цагийн үйлчилгээний танхимд “Монгол Улсын Их хурлын тамгын газраас мэдээллэж байна” гэсэн цахим дэлгэц ажиллахгүй байгааг бид үзэж танилцуулсан. Тэгвэл одоо Баянгол дүүргийн 6-р хорооны байранд байгаа бас нэг дэлгэц ажилтнуудын өрөөнд хадгалаастай байлаа. Шалтгаан нь гэвэл энд байршуулж иргэдэд танилцуулах мэдээлэл байхгүй, тийм мэдээллийг бэлтгэж чадахгүй байгаа явдал юм.

.

Төрийн байгууллагын мэдээллийн самбарууд ажиллахгүй байна

Өнөөдөр Монгол улсын төр, захиргааны бүх шатны байгууллагын байранд мэдээллийн самбарууд байдаг. Гэхдээ сайн ажиллуулж чадахгүй байна.

Нийслэлийн Сүхбаатар дүүргийн ЗДТГ-ын Санхүү, төрийн сангийн хэлтсийн мэдээллийн самбар 2012 оны 5-р сарын эхний байдлаар.  Самбарын тэн хагасыг тус хэлтсийн эрхэм зорилго эзэлсэн ба төсөвтэй холбоотой ганцхан мэдээлэл байгаа нь 2011 оны 11-р сарын  22-нд дууссан тендерийн зар байлаа.

Чингэлтэй дүүргийн ЗДТГ-ын байрны үүдэнд байгаа мэдээллийн самбарт төсвийн ганц мэдээлэл тавьсан нь өнгөрсөн оны 12-р сарын 28-нд тус дүүргийн ИТХ-ын ээлжит хуралдаанаар нийгэм, эдийн засгийн 2011 оны  зорилтын биелэлтийнг дүгнэж 2012 оны зорилтыг баталсан тухай тогтоолыг зүүсэн байна. Төсвийн тухай мэдээлэл алга байв.