“Орон нутгийн төсвийн ил тод, нээлттэй байдлын загвар стандарт”-ыг танилцуулж хэлэлцүүлнэ

Улаанбаатар хотын Д.Нацагдоржийн нэрэмжит нийтийн номын сан дахь нийслэлийн төсвийн мэдээллийн булан

Баянзүрх дүүргийн номын сан дахь төсвийн мэдээллийн булангийн эхний тавиур

Дүүргийн 2013 оны батлагдсан төсөв хамгийн түрүүнд тавигдаад байна.

Ховд аймгийн Дөргөн сумын номын сангийн төсвийн мэдээллийн булан

Ховд аймгийн Дөргөн сумын Соёлын төвийн номын сан 1969 онд байгуулагджээ. Одоо 3200 гаруй номтой. Эрхлэгчээр С.Дэжид ажилладаг. Номын сангийн байр нэлээд хуучирснаас гадна зай талбай муутай. Номын фондын өрөөнд орон нутгийг судлах музейг байгуулснаас хойш уншлагын тусдаа танхим байхгүй болсон тул соёлын төвийн эрхлэгчийн суудаг өрөөнд хэдэн ширээ байрлуулжээ. Харин мэргэжлийн номын санч ажилладаг.

Бид энд тус сумын төсвийн мэдээллийн буланг байгууллаа. Түүнд сумын төсөв, төсвийн байгууллагуудын мэдээлэл, зарим худалдан авалтын зар, явцыг харуулсан хүснэгтийг цуглуулан хэвлэж тусгай хавтсуудад ангилж байрлуулав. Удахгүй дэлгэрэнгүй танилцуулна.

Баянзүрх дүүрэг дэх номын сангийн байдал

Анх 1968 онд Найрамдлын районы Амгалангийн клубын дэргэд  байгуулагдаж 1970 онд дүүргийн нийтийн номын сан болж одоогийн Баянзүрх дүүргийн 1-р хорооны нутаг дэвсгэрт,  12-р хорооллын 58-р байрны 1-р давхарт шилжүүлэн байрлуулжээ. 1986 оноос Хотын төв номын сангийн харъяа 3-р салбар номын сан болгон зохион байгуулсан.

Хүүхдийн 40, нийтийн 60 суудалтай уншлагийн хоёр танхимтай. Голдуу сургуулийн сурагчид үйлчлүүлж байна. Харин өглөөгүүр зэргэлдээх байрны ахмадууд ирж шинэ сонин хэвлэл уншдаг. Өдөр тутмын 8 сонин захиалж үйлчидэг юм байна.

Шинэ компьютерүүд авч интернэтийн шугам татсан боловч холболтын төсөвгүйн улмаас холбогдоогүй байна.

 

.

 

Ийм хөнгөхөн, авсаархан тавиурууд байна

Номын сан дахь төсвийн мэдээллийн буланд ийм тавиур ашиглах саналтай байна

Орон нутгийн төсвийн ил тод, нээлттэй байдлын загвар стандартын эхний хувилбар төсвийн мэдээлллийн цахим сайт ба төсвийн мэдээллийн булан гэсэн хоёр хэсгээс бүрдэж байна.

 

Төсвийн мэдээллийн булан нь нийслэл, аймаг, дүүрэг, сум дахь нийтийн номын сан, Иргэний танхим, УИХ-ын үйл ажиллагааг сурталчлах танхим, Соёлын төв зэрэг газруудад тухайн орон нутгийн төсвийн холбогдолтой мэдээллийг хэвлэмэл хэлбэрээр байршуулж байнга шинэчлэн, түүнийгээ тойруулан иргэд, оршин суугчид, татвар төлөгчдөд зорриулсан, танилцуулга, сурталчилгаа, хэлэлцүүлэг зэрэг арга хэмжээг зохион байгуулснаар төсвийн ил тод, нээлттэй байдлыг хангах нөхцлийг бүрдүүлэх зорилготой.

 

Төсвийн мэдээллийн булан нь эхний хувилбараар төсвийн мэдээллийн самбар ба тавиур гэсэн хоёр үндсэн хэсгээс бүрдэнэ. Бид эхний удаад орон нутгийн номын сангуудад төсвийн баримт мэдээллийн тавиурыг хийж байрлуулах гэж байна. Ингэхдээ манайд өргөн ашиглагддаг тавиурыг сонгож ашиглан турших саналтай байна. Иймэрхүү харагдана.

 

Хаа сайгүй байдаг ч бид маш сайн ажиллуулбал харьцангуй хямд төсөр, уян хатан (нааш цааш зөөж хаана ч тавьж болно) хүртээмжтэй хэлбэр юм . 

 

 

Иймэрхүү тавиурууд бичиг хэргийн Golden Pen дэлгүүрт зарагдаж байгаа. Та бүхэн саналаа хэлээрэй. 

 

Номын сан дахь мэдээллийн булангийн жишээ

Өнөөдөр Нэгдсэн Үндэсний Байгууллагуудаас гаргаж буй ном товхимол, сонин сэтгүүл, судалгааны ном, тайлан мэдээнүүдийг уншигч олонд хүргэх зорилготой НҮБ-ын “Номын булан”-г Монголын Үндэсний номын сан, Д.Нацагдоржийн нэрэмжит Улаанбаатар хотын нийтийн номын сан болон Улаанбаатар хотын нийт 4 их, дээд сургуульд (МУИС, СЭЗДС, ХИС, ХААИС-ын номын сангууд) байгуулан 2010 оноос хойш ажиллуулж байна.

Самбарын ерөнхий байдал болон Д.Нацагдоржийн нэрэмжит номын санд самбарын нээлтийн үеэр авсан зургуудыг дор үзнэ үү. Тус номын буланд уншигч, судлаач, оюутнуудад хэрэгтэй олон төрлийн шинэлэг мэдээ мэдээлэл, судалгааны материалууд байдгаараа онцлогтой бөгөөд Монгол дахь НҮБ-ын харьяа агентлагуудаас (НҮБ-ын хөгжлийн хөтөлбөр, Хүн амын сан, Хүүхдийн сан гэх мэт)  үе үе шинэчилж байдаг ажээ.

Орон нутагт төсвийн мэдээллийн булан байгуулах боломжтой номын сангуудын жагсаалт

Улаанбаатар хот, түүний дүүргүүдэд:

Д.Нацагдоржийн нэрэмжит Улаанбаатар хотын нийтийн төв номын сан

АСА циркийн зүүн хойно байрладаг. Захирал Ө.Ган-Өлзий

Баянзүрх дүүргийн нийтийн номын сан

УБ хотын ННС-ын салбар юм. 12-р (“Сансар”) хорооллын 58-р байрны нэгдүгээр давхарт байрладаг. Утас: 70155708

Сонгинохайрхан дүүргийн нийтийн номын сан

УБ хотын ННС-ын салбар юм.  1-р (“Өнөр”) хорооллын үйлчилгээний 2-р төвд байрладаг. Утас: 70175707.

Чингэлтэй дүүргийн М.Горькийн нэрэмжит номын сан (одоогоор засвартай байна)

Хан-Уул дүүргийн нийтийн номын сан

18-р хорооллын “Жаргалант” үйлчилгээний төвийн 2-р давхарт байрладаг. Утас: 70115702

Баянгол дүүргийн номын сан

Төмөр замын дээд сургуулийн урд цэцэрлэгт 2012 оны хавар нээгдсан. Баянгол дүүргийн ЗДТГ-ын харьяа

– Хан-Уул дүүргийн Иргэний танхим

Ховд аймагт:

Аймгийн төв номын сан

Ховд аймаг Төв номын сан. Утас: 25138 99439969. Энд мөн Америкийн соёл мэдээллийн төв байрладаг.

Аймгийн Иргэний танхим

“Ховд” их сургуулийн номын сан

Дөргөн суманд:

Сумын соёлын төвийн номын сан

Номын сангууд дахь төсвийн мэдээллийн булан